Nasaun Barak Husu Sai Observadór  ba Eleisaun Parlamentár

0
88
Acilino Manuel Branco. Foto STAE

DILI, (TATOLI) – Diretór Jerál Servisu Tèkniku Administrasaun Eleitorál (STAE), Acilino Manuel Branco hateten nasaun barak husi Azean, Uniaun Europeia no Comunidade Paises Lingua Portuguès hato’o ona pedidu ba STAE atu sai observadòr independente ba prosesu eleisaun parlamentár.

“Ita simu ona rekerementu barak husi Azean mak hanesan Filipina, Tailàndia, Brunei, Indonèzia no sira seluk tan sei to’o iha Timor Leste iha tempu besik. Ita mós hetan pedidu husi CPLPʺ, esplika ba ajènsia Tatoli iha Kaikoli, horisehik.

Ekipa Uniaun Europeia, tuir planu sei lidera hosi membru deputadu balun. “Uniaun Europeia ekipa ida sei mai kompostu husi deputadu balun sei to’o iha periode eleisaun nian, observadór hirak ne’e sei husik Timor-Leste hafoin eleisaun remataʺ.

Derijente STAE ne’e afirma Nasaun mós haruka ona pedidu ba nasaun sira iha Ilha Pasífiku, Komisi Pemilihan Umum  (KPU) Indonézia, Komisaun Eleisaun Austrália.

ʺIta simu ona pedidu akreditasaun husi grupu ida husi Austràlia hamutuk ema 50 resin atu mai sai observadòrʺ, tenik.

Observadòr 70 resin maka STAE fò ona akreditasaun hodi akompaña prosesu kampaña kompostu husi nasionál no internasionál.

STAE mós sei fó akreditasaun ba mìdia nasionál no internasionál hodi  halo kobertura iha eleisaun.

Jornalista: Agapito dos Santos

Editora: Rita Almeida

HUSIK IDA HATÁN