MAP Hola Tan Tratór

0
57
Ministru Agrikultura no Peska no Ministru Estadu, Koordenadór Asuntu Ekonómiku, Estanislau Aleixo da Silva

DILI (TATOLI)- Ministru Agrikultura no Peska, Estanislau Aleixo da Silva informa, horseik, Kuarta (21/06) Nia asina tan ona kontratu hodi hola tratór ho orsamentu tinan 2017 nian.

“Horisehik ha’u asina ona kontratu bá hola tratór ministériu nian, kontratu bá halo manutensaun, bá halo kompras no beins balun, ekipamentu balun,” Estanislau da Silva fó sai iha Komoro, ohin.

Tratór ne’ebé mak sei hola, maske seidauk fiksa nia numiro maibé kompras ba tratór kontribui Ezekusan Orsamentu Jerál Estadu (OJE) 2017 iha Ministériu Agrikultura no Peska (MAP) atinje ona porsentu 48,7 to’o ohin loron bazeia ba portál transparánsia Governu Timor-Leste nian.

Aleinde ne’e, atividade konkreta ministériu nian hanesan ortikultura, pekuária, vasinasaun nian la’o hela, no reabilitasaun kafé hahú ona tanba kafé ku’u tiha hafoin bele halo reabilitasaun.

Iha Portál Transparánsia Ezekusaun OJE 2017 enjerál ne’ebé TATOLI asesu, to’o loron 22 Juñu 2017 atinje ona porsentu 45,5. Budget ka despeza ho U$1,386,825,735.00, kompromisu U$152,496,718.99, obrigasaun U$132,149,731.83, reál U$499,536,544.53 no saldo U$602,642,739.65.

(Jornalista : Maria Auxiliadora, Editór : Manuel Pinto)

HUSIK IDA HATÁN