MAP haruka kompañia Sai Seico hasai ró iha Portu Com

0
35
Foto google.

DILI, (TATOLI)-Xefe Departamentu Portu, Lotas no Ofisina Peska, Ministériu Agrikultura no Peska (MAP), Orlando Kalis hatete ministériu haruka ona karta ba kompañia Sai Seico atu hasai ró tolu husi portu Com, Lautein tanba lahalo ona atividade peska nian.

Kompañia Sai Seico tuir lisensa ne’ebé Governu fó tinan ida de’it entre tinan 2010 no remata iha 2011 no lakontinua tan nia lisensa hodi halo peska industriál ba ikan Atún iha Kosta Súl, maibe halo ró paradu de’it ida ponte-kais Com to’o mout ba tasi.

“Entaun ró ne’e tenke sai husi ne’ebá. Ita tenta haruka karta dala-tolu ona to’o ró ida mout tan tiha ona mas to’o agora problema ida kompañia sira hasoru ne’e mak problema internál  tanba  na’in daudaun ne’e la’e ona no entrega fali ba Senor  Kim mas nia mos agora ami tenta hela dadaun ne’e nia iha Japaun ka Korea ami liga ba nia nunka mais responde para hasai ró,” Orlando informa ba TATOLI iha Komoro, ohin.

ezijénsia komunidade Com nian ba ró ne’ebé paradu kleur tiha ona no ministériu tenta  nafatin ba kompañia atu hasai ró sira ne’e.

“Tanba ida ne’e la’ós ami-nia serbisu atu foti ró, ne’e kompañia nia serbisu. Uluk nia haruka tiha ona tékniku sira maibé lakonsege foti ró ida mout ne’e”, nia esplika.

Maski nune’e, husi parte ministériu haka’as nafatin kompañia atu sosa tali rolu rua hodi bele dada sai ró atu nune’e para tiha iha tasi ninin nomós  ida ne’ebé mout ona.

(Jornalista : Maria Auxiliadora)

(Editór : Manuel Pinto)

HUSIK IDA HATÁN