Lere : Parpol La Bele Soke Malu iha Kampaña

0
199
Majór Jenerál Lere Anan Timur dadalia ho jornalista sira hafoin ramata inkontru ho Prezidenti Repúblika, Dr. Francisco Guterres Lú-Olo. FOTO : Xisto Freitas

DILI (TATOLI)–Majór Jenerál FALINTIL-Forsa Defeza Timor-Leste (F-FDTL), Lere Anan Timur husu ba líder partidu polítiku sira atu sukat sira nia emosaun iha kampanha eleisaun parlamentár iha 18 Junhu mai.

“Líder sira tenki sukat didi’ak sira nia lian no labele soke malu maibé ko’alia programa governasaun ninian,” Lere ko’alia asuntu ne’e ba jornalista sira iha Palásiu Prezidénsia Repúblika, Bairo-Pité, Dili, Kuarta ne’e, hafoin ramata inkontru ho Prezidenti Repúblik, Dr Francisco Guterres Lú-Olo hodi ko’alia kona-ba seguransa ba kampaña eleisaun parlamentár.

Tuir Lere dalaruma líder sira maka soran fali povu iha kraik hodi halo problema. Bainhira soran ona povu situasaun bele sai krusiál ba Timor no ba mundu tomak. Nune’e mundu hahú avalia kapasidade lideransa no kapasidade ukun án ninian iha Timor.

Kona-ba seguransa ba kampanha eleisaun parlamentár, eis komandante gerileiru  dehan, F-FDTL koopera ho PNTL atu asegura ba kampanha eleisaun ninian. Parte F-FDTL koloka forsa enjenaria no infantaria hodi halo seguransa ba eventu ne’e. Forsa no Polísia sei koloka nia membru sira purvolta 5000 hodi halo seguransa.

(Jornalista: Xisto Freitas)

(Editór : Manuel Pinto)

HUSIK IDA HATÁN