Komando F-FDTL Konkorda Tiru Autór Violénsia

0
7522
Majór Jenerál Lere Anan Timur dadalia ho jornalista sira hafoin enkontru ho Prezidente Repúblika, Francisco Guterres Lú-Olo. Foto Tatoli/Xisto Freitas

DILI, (TATOLI) – Majór Jenerál FALINTIL-Forsa Defeza Timor-Leste, Lere Anan Timur hateten apoia Lei Armas Brankas ne’ebé autoriza forsa no seguransa tiru ema sira ne’ebé utiliza sasán kroat hodi halo violénsia.

“Tiru, ema ida la-bandu, oho, ema ida la bandu, baku ema, laiha ema ida bandu. Bandu kuandu la-tuir regras. Pur-ezemplu, ha’u nia soldadu mai justifika katak nia tiru ema tanba atu defende án hosi agresaun fízika, ne’e razaun”, Lere hato’o kestaun ne’e ba jornalista sira iha Palásiu Prezidénsia Repúblika, Bairu-Pité, kuarta ne’e.

Tuir komandante másimu forsas armadas ne’e katak tiru mate ema la-signifika sala. Tanba forsa no seguransa iha regra ida naran empeñamentu. Bainhira kilat tarutu ne’e iha faze sira hanesan fase primeiru to’o terseiru no bainhira oho mós liuhusi faze sira.

“Ha’u hanoin katak militár no polísia la’ós matan delek, bulak no arbiru de’it. Tanba ne’e, kuandu krítika autoridade seguransa no militár sira nia atuasaun, primeiru tenke hatene kauza no efeitu. Efeitu maka tiru ne’e no kauza ita seidauk hatene. Ne’e duni, polítiku sira kuandu krítika ne’e tenkiser sukat”, realsa.

Hodi hatutan: “Ha’u hateten ba ha’u nia soldadu sira katak imi labele tauk. Kuandu imi kumpri ha’u nia órden, imi lalika tauk. Ha’u prontu responsabiliza ba atuasaun ne’ebé imi halo”.

Jornalista: Xisto Freitas

Editora: Rita Almeida

HUSIK IDA HATÁN