KFP Fasilita Funsionariu Tuir Kampaña Parpol

0
64
Faustino Cardoso

DILI (TATOLI)—Komisaun Funsaun Públiku (KFP) oras ne’e prepara ona formulariu ho objektivu atu funsionariu ne’ebé hakarak tuir kampaña iha elisaun lejislativa tinan ida ne’e priense antes ba kampaña.

Prezidenti KFP, Faustino Cardoso esplika formulariu ne’e KFP prepara nu’udar meus ida atu garante direitu funsionariu sira nia nu’udar sidadaun ne’ebé haktuir iha konstituisaun Repúblika Demokratiko Timor-Leste (RDTL) katak, garante direitu polítiku ba funsionariu públiku.

“Komisaun Funsaun Publika prepara ona formulariu lisensa ba funsionariu publiku ne’ebé hakarak lisensa hodi partisipa iha kampana partidu politiku iha eleisaun parlamentar ne,ebe sei hahu iha loron 20 junho too 19 julho 2017. Konstituisaun RDTL garante direitu politiku ba funsionariu publiku hodi ezerse ninia direitu politiku ba vota nomos kandidata aan iha partidu politiku,” Faustino Cardoso haktuir ba Ajensia TATOLI iha Palasio Prezidenti da Repúblika, Bairo-Pite, foin lalais ne’e.

Formulariu lisensa ne’e funsionariu ne’ebé mak iha intreses bele asesu iha website komisaun funsaun públiku.

Bainhira priense ona formulariu lisensa ne’e ho kuñesementu hosi irarkia masima depois haruka hodi hetan aprovasaun antes ba tuir kampaña.

Meus ida ne’e KFP halo ho objektivu atu fasilita funsionariu livre hosi servisu estadu nian para tuir kampaña atu la bele prezudika oras servisu ninian. Maibé hakarak priense formulariu tenki hatama antes kampana hahú iha loron 20 juñu.

“Komisaun enkoraza atu funsionariu publiku ne’ebé husu lisensa hodi tuir kampana tenki hatudu disiplina no sai ezemplar atu kumpri regras eleitoral hodi labele sai fali ema ne’ebé lahatene lei,” Faustino fó hanoin.

No dehan lisensa ne’ebé mak KFP autoriza so aplika de’it durante loron tolu nolu sura hosi aprovasaun lisensa hosi KFP.

(Jornalista:Agapito dos Santos)

(Editór : Manuel Pinto)

 

HUSIK IDA HATÁN