Jornalista Tenki Forte Basa Nasaun Presiza Liberdade Imprensa

0
27
Jornalista sira halo asaun nonok iha casa Europa nia oin iha, loron, 29/05. FOTO TATOLI.

DILI (TATOLI)–Taur Matan Ruak husu atu Jornalista sira iha Timor-Leste tenki forte iha nia asaun basa nasaun no estadu Timor-Leste presiza tebes iha liberdade Imprensa no Liberdade espresaun.

“jornalista tenke forte tanba nasaun Repúblika Demokrátika Timor-Leste presiza iha liberdade imprensa no espresaun, liberdade asosiasaun, enkuantu, Kontribuisaun jornalista sira iha Timor-Leste makas tebes mezmu foin mak ukun an tinan 15,”  Eis-Prezidenti da Republika Taur Matan Ruak informa ba jornalista sira iha kongregasaun Madre ALMA, Komoro, ohin, relasiona ho kazu jornalista Raimundo Oki no Lorenco Martins ne’ebe Tribunal sei diside iha orsida lokraik, oras 17H00, otl.

Prezidenti Partidu PLP (Partidu Libertasaun Popular) ne’e hatutan, Desizaun saida de’it mak tribunál foti iha kazu ne’e, jornalista tenke kumpri, maske ikus mai tenki ba kadeia.

Maibe, Nia (Taur) husu atu iha futuru iha kazu ruma hasoru jornalista sira tenki fo atensaun tanba Jornalista sira sei iha faze aprende, ne’e kuandu sala foin primeiru, maibé kuandu sala dala barak ona mak foin prosesa.

(Jornalista : Zezito Silva)

(Editór : Manuel Pinto)

HUSIK IDA HATÁN