Istória mak Dignifika Eroi Sira nian Luta

0
284
Foto espesiál

DILI, (TATOLI) – Padre Juvito Araújo hatete istória mak bele dignifika eroi sira ne’ebé mate no lakon ba prosesu ukun rasik-án.

“Diverjénsia (hanoin la-hanesan) bele boot, maibé pontu referénsia ida importante mak istória”, hatutan amu Juvito iha ninia umilia durante serimonia eukaristia hodi hanoin hikas saudozu Kery Laran Sabalae ho Remigio Levi da Costa Tilman ho kodigu Metan nia tinan lakon ba dala 22 iha igreja Katedral Dili, ohin.

Sekretariu CEL/FC (Conselho Executivo da Luta da Frente Clandestina), Sabalae ho naran sarani Pedro Nunes hamutuk ho ninia asistente, Remigio Tilman (Metan ou Irak) parte ida hosi prosesu indepéndensia.

Hatutan hodi halo komparasaun ba konstrusaun Estadu ida ne’e katak, saudozu nain rua hanesan kabas lahan ne’ebé kontribui ba tais ida. “Sira nain rua konstitui fundamentu ida”.

Eroi sira ne’ebé luta, nia realsa, la’ós halo kontratu hodi hetan pensaun veteranu no kargu maibé ho liberdade tomak fó sira nian vida ba Timor ninia indepéndensia.

Kery Laran Sabalae ho Remigio lakon no mate iha loron 29 fulan-juñu 1995 bainhira fila hosi Ermera kuandu hala’o hela misaun luta ba ukun rasik-án.

Ekipa Kobertura

http://forum-haksesuk.blogspot.co.uk/2011/05/hanoin-hikas-remigio-metan.html

HUSIK IDA HATÁN