Hatama ekipamentu Enjenaria UNTL-Ogawa Seiki asina kontratu

0
172
Reitór UNTL, Francisco Miguel Martins asina kontratu ho Jerente, Divizaun Esporta Ogawa Seiki Co. LTD, Mutsumi Uematsu. Foto/Dulce Martins.

TOKYO, JAPAUN​, (TATOLI)-Universidade Nasionál Timor Lorosa’e (UNTL) asina kontratu ho kompañia Ogawa Seiki Co, LTD. hodi hatama ekipamentu ba edifísu sira iha Fakuldade Enjenaria, Siénsia no Teknolojia (FEST).

Ekipamentu hirak ne’e suporta husi Japan International Cooperation Agency (JICA) no loke mós konkursu públiku ba empreza japoneza sira atu harii edifísu tolu ba fakuldade tolu iha UNTL inklu FEST.

Kontratu ne’ebé asina ne’e husi reitór UNTL, Francisco Miguel Martins ho Jerente, Divizaun Esportasaun Ogawa Seiki Co. LTD, Mutsumi Uematsu iha ámbitu enkontru ho JICA iha loron Sesta (9/6).

Governu Japaun ajuda UNTL dezde iha 2001, hodi oferese profesór na’in-tolu ba universidade durante ne’e. Nomós ajuda autokarru (bis) hodi tula estudante sira durante krize nia laran. Inklui tulun hodi eleva kualidade akadémika profesór sira ba mestradu no PhD.

Reitór UNTL, Fracisco Miguel Martins haktuir Governu Japaun liuhusi JICA agora daudaun ajuda harii edifísiu tolu nakonu ho fasilidade no laboratóriu ba fakuldade iha Hera.

“Tan ne’e ami mai atu halo konkursu públiku no bá ko’alia ho kompañia sira ne’ebé tuir ho kualidade di’ak,” reitór dehan.

Iha prosesu ajudu ida ne’e, iha faze tolu mak sei halo hanesan, tau ekipamentu sira iha edifísu Hera, harii edifísiu foun (uma 3), no sei tau ekipamentu hotu iha edifísu foun sira.

Mariano Renato M. da Cruz, nu’udar Dekanu FEST hatutan, ba etapa ida ne’e mak tau ekipamentu ba edifisu sira ne’ebé iha ona, sei halo negosiasaun ho kompañia sira atubele kobre osan ne’ebé JICA fó, bazeadu ba konsultan tékniku sira ne’ebé dezeña konstrusaun sira. “Karik ami sei diminui buat balun,” nia hatuir.

Diretór Kompañia, Takashi Matsumoto hatete sira kontete partisipa iha prosesu ida ne’e, no iha esperiénsia ona ba ekipamentu edukasaun nian iha nasaun barak.

“Bainhira ekipa to’o iha ne’ebá, UNTL bele fasilita suporta hala’o servisu ne’e ho di’ak no to’o finál ho susesu.”

Iha tinan ida ne’e mak sei halo prosesu konkursu no tuir previzaun konstrusaun ne’e sei hala’o iha finál tinan 2017.

Husi parte UNTL husu atu Governu Japaun suporta no fó atensaun di’ak ba asuntu ida ne’e tanba halo ba estudante sira hanesan jerasaun foun.

Tuir planu JICA sei haruka péritu sira atu halo peskiza hodi bele identifika iha parte hotu no iha área saida mak Timor-Leste presiza tulun.

(Kontribuinte : Dulce Martins)

(Editór : Manuel Pinto)

HUSIK IDA HATÁN