Governu sei hato’o aplikasaun atu adere ba BIIA

0
53
Vise Ministru Financas, Helder Lopes

DILI (TATOLI)—Governu Timor-Leste sei hato’o aplikasaun atu adere ba iha Bancu investimentu infrastrukura aziatiku (BIIA), maibé governu sei hein Prezidente Repúblika nia Promulgasaun ba Rezolusaun Governu ne’ebé hetan ratifikasaun ona husi Parlamentu Nasionál

“Kriteria atu adere ba Banku ne’e maka Adezaun Timor-Leste ba BIIA tenki ratifika husi Parlamentu Nasionál, Timor Leste tenki iha reprezentasaun iha BIIA no administrasaun seluktan,” Vise Ministru Financas, Helder Lopes informa, ba jornalista sira iha Palasio do Governu, Tersa (13/06).

Timor-Leste nu’udar  membru Potensiál atu  partisipa iha  enkontru anuál ba Bancu investimentu infrastrukura aziatiku (BIIA) iha Korea iha meadu fulan Junho.

Tuir Helder Lopes, ekipa Ministériu Finansas sei desloka ba Korea iha loron 14 Juño 2017 hodi partisipa enkontru annual da ruak Banku Investimentu Infrastutura Aziatiku.

Iha ne’eba sei koalia ho ezekutivu sira  oinsa atu finaliza Timor nia prosesu adezasaun ba Banku ne’e.

TL sei hetan benefisia orsamentu ho montante bo’ot atu  finansia ita nia orsamentu hodi dezenvolve infrastruktura iha rai laran.

Banku ida mós sei fornese instrumentu finanseira ho montante bo’ot liliu ba nasaun sira iha rejiuan aziatiku atu dezenvolve infrastruktura.

Entertantu governu sei hato’o aplikasaun atu adere ba BIIA hafoin Prezidente Repúblika Francisco Guterres Lú-olo promulga rezolusaun Governu ne’e.

(Jornalista:Agapito dos Santos, Editór : Manuel Pinto)

HUSIK IDA HATÁN