Governu Hakarak Dezenvolve Siénsia-Teknolojia iha Baze

0
69
Foto google

DILI, (TATOLI) – Vise Ministra Edukasaun, Dulce de Jesus Soares hateten Governu iha mehi atu dezenvolve siénsia no teknolojia iha baze, liliu área edukasaun, agrikultura no saúde hodi ajuda atinje Objetivu Dezenvolvimentu Sustentavel (ODS).

“Ita nia problema maka oras ne’e ita seidauk asesu internet iha fatin hotu-hotu, tanba ne’e maka ita ko’alia la’ós internet de’it maibé oinsá atu halo teknolojia ida aplikavel ba ita nia komunidadeʺ, governante ne’e hato’o durante lansamentu ba programa implementasaun projetu atu fasilita aselera prosesu siénsia no teknolojia (AP-FAST) ne’ebé organiza hosi UNESCO no Komisaun Nasionál Timor-Leste ba UNESCO iha ótel Timor, kuarta (7/6).

Nia hatutan, projetu ne’e mós sei apoiu ministériu edukasaun atu oinsá uza teknolojia hodi kontrola servisu administrasaun no prosesu aprendizajen iha baze atu sai efetivu liutan.

Diretór atuál reprejentante UNESCO iha Jakarta Indonézia SHAHBAZ KHAN hateten UNESCO apoiu governu atu atinje ODS iha área mudansa klimatika, liliu edukasaun ba komunidade oinsá atu utiliza bee ho responsabilidade no seluktan iha edukasaun liliu distribuisaun livru matematika, siénsia no eskola verde.

Jornalista: Agapito dos Santos

Editora: Rita Almeida

HUSIK IDA HATÁN