Governu Deside Husik Lei Kódigu Estrada ba Governasaun Foun

0
123
Enkontru Konsellu Ministru, ohin. Foto GPM

DILI, (TATOLI) – Governu liuhusi reuniaun Konsellu Ministru, ohin deside atu rai lei kódigu estrada ba governasaun foun atu deskute no aprova.

Vise Ministru Obras Públikas Transporte no Telekomunikasaun, Inâcio Freitas Moreira hateten desizaun ne’e foti tanba tempu la-permite ba Parlamentu Nasionál atu diskute no aprova.

“Ohin ami diskute maibé adia tanba tempu oráriu polítiku Estadu la fó ona marjen (tempu) atu aprova, haruka ba parlamentu mós liuhusi komisaun sei la-ajenda tanba la-halo diskusaun entaun lei ne’e kadukaʺ, dehan nia iha Palásiu Governu.

Tuir nia, razaun seluk prezisa elabora artigu balun ne’ebé konsellu ministru sujere atu kompleta. “Ohin diskusaun ne’ebé hala’o ne’e maka hanesan tenke halo regulamentu komplementár para bele kontrolu tránzitu ne’e ho di’ak no loloosʺ.

Kontiudu lei kódigu estrada  foun ne’e ho artigu 188  atu regulariza atividade transporte hotu hanesan sinais tránzitu, tranzitu, peso (todan) transporte públiku, karta kondusaun no seluk tan.

Tuir governante ne’e, maske la-aprova governu sei kontinua uza dekretu lei númeru 6/2003 atu regula movimentu transporte iha rai laran.

Jornalista: Agapito dos Santos

Editora: Rita Almeida

HUSIK IDA HATÁN