Governu Aprova Sistema Garantia Kréditu ba Empreza Ki’ik no Médiu

0
121
Reuniaun Konsellu Ministru. Foto, GPM.

DILI, (TATOLI) – Dekretu Lei kona-ba sistema garantia kréditu nian ba empreza ki’ik no média sira hetan ona aprovasaun husi Governu iha enkontru Konsellu Ministru loron 30 fulan-maiu 2017.

Proposta ne’e hato’o husi Ministru Estadu Koordenadór Asuntu Ekonómiku (MEKAE), Estanislau Aleixo da Silva.

“Ne’e hanesan prioridade ida ba Governu, tanba hanesan ferramenta ida justisa sosiál nian, maibé mós hanesan komponente fundamentál ida atu forma tesidu emprezariál ida ne’ebé metin no viavel”, refere portál ofisial Governu Timor-Leste ne’ebé TATOLI asesu ohin.

Aleinde ne’e, atu fasilita asesu kréditu ba sosiedade komersiál sira ne’ebé timoroan iha pelumenus 75% husi partisipasaun sosiál emprezáriu sira nasionál nian no ba emprezáriu individuál sira ne’ebé mak hodi nian naran rasik.

Ho mekanizmu ida ne’e, Estadu fahe risku konsesaun kréditu nian ba banku komersiál sira, to’o valór aas liu pursentu 70 husi empréstimu ne’ebé fó atu kumpre rekizitu legál sira.

Jornalista: Maria Auxiliadora

Editora: Rita Almeida

HUSIK IDA HATÁN