Governu Aprezenta Preparasaun Kampaña ba Prezidente Repúblika

0
63
Xefe Governu hasoru malu ho Prezidente Repúblika iha Palásiu Prezidensiál hanesan sorumutu ba dahuluk. Foto mídia Palásiu Prezidensiál

DILI, (TATOLI) – Primeiru Ministru, Rui Maria de Araújo, ohin aprezenta preparasaun téknika no orsamentu ba Prezidente Repúblika, Francisco Guterres Lú-Olo kona-ba kampaña eleisaun parlamentár 2017.

“Informa kona-ba kestaun téknika no orsamentál tanba servisu barak maka governu halo ona, ohin halo fali rezumu ba Prezidente, Francisco Guterres Lú-Olo”, dehan Xefe Governu ba jornalista sira iha Palásiu Prezidensiál Bairo-Pite.

Tuir órariu kampaña eleisaun parlamentár hahú loron 20 fulan ne’e no termina iha loron 19 fulan ohin.

“Atualizasaun baze dadus remata iha loron 10 juñu agora, oras ne’e servisu tékniku administrasaun eleitorál halo servisu, nune’e iha loron 22 jullu ita bele hala’o eleisaun”, tenik.

Eleisaun lejislativa sei akontese loron 22 fulan oin.

Jornalista: Agapito dos Santos

Editora: Rita Almeida

HUSIK IDA HATÁN