Fundasaun Ázia Fó Asisténsia Ba TL Tinan 25 Ona

0
65
Reprezentante Fundasaun Ázia, Suzan Marck, dadalia ho jornalista sira iha Palásiu Prezidénsia Repúblika hafoin sorumutu ho Prezidenti Repúblika. Imajen Ajénsia TATOLI/Xisto Freitas

DILI (TATOLI)—Prezidenti Repúblika, Dr. Francisco Guterres Lú-Olo hatene di´ak serbisu Fundasaun Ázia tanba ajénsia internasionál refere fó asisténsia ba Timor-Leste (TL) durante tinan 25 ona.

 “Ami nia prezensa atu esplika serbisu Fundasaun Ázia ba Prezidenti Repúblika, Dr. Francisco Guterres Lú-Olo no atu koopera ho Gabinete Prezidénsia Repúblika ba dezenvolvimentu Timor-Leste,” reprezentante Fundasaun Ázia, Suzan Marck ba jornalista sira iha Palásiu Prezidénsia Repúblika, Bairu-Pité, Dili, kuarta ne´e, hafoin ramata inkontru ho Prezidenti Repúblika.

Fundasaun Ázia hala´o serbisu iha setór oi-oin hanesan turizmu, setór justisa no seguransa hodi suporta governu no sosiedade sivíl atu hapara violénsia kontra feto no labarik sira. Serbisu hamutuk ho Polísia Nasionál Timor-Leste (PNTL) hodi dezenvolve modelu Polísia Komunitária.

Nia haktuir Prezidenti Repúblika fó apresiasaun boot ba Fundasaun Ázia tanba Prezidenti Repúblika hatene di´ak Fundasaun Ázia nia serbisu bainhira atuál Prezidenti Repúblika hanesan Prezidenti Parlamentu Nasionál iha primeiru lejizlatura. (Jornalista: Xisto Freitas)

HUSIK IDA HATÁN