Fundadór Aprosima Noqy Reis Lidera Klube Cacusan

0
101
Diretór Omega Vivo Sports, Noqy Reis (liman karuk faru mutin) no fundadór ida klube Cacusan, Amali Márques (faru matak liman loos) iha seremónia simu no entrega nota intedementu kona-ba jestaun ba klube iha tinan 2015 liu-ba. Iha nota intendementu ne´e, fundadór no eis jogadór Cacusan fó kompeténsia pursentu 100 (100%) ba Kompañia Omega Vivo Sports atu jere klube refere. Imajen Mídia Klube Cacusan.

DILI (TATOLI)—Fundadór no eis treinadór Klube Cacusan, Clementinho de Caravalho “Vasco” hateten prezidenti foun ba klube Cacusan sei la mai hosi eis jogadór no fundadór maibé sei mai hosi ema liur.

Nia hateten sira iha hanoin ida atu negósia fali Diretór Omega Vivo Sports, Noqy Reis, atu lidera fali klube ne´e tanba durante ne´e Noqy liuhusi kompañia Omega maka halo jestaun ba klube Cacusan.

“Ami iha hanoin atu aprosima fali nia (Noqy) atu asumi kargu prezidenti klube. Tempu badak ami sei inkontru ho nia. Maibé, ne´e depende ba diskusaun no depende fali mós ba iha siñor Noqy,” Vasco dehan ba Ajénsia TATOLI via telefónema, sesta ne´e, relasiona ho Prezidenti Klube Cacusan, João Maneco Soares, ne´ebé rezigna án tanba problema balun iha klube laran.

Nia informa katak sira iha konkordánsia ho Kompañia Omega Vivo Sports atu finánsia Cacusan to´o jogu segunda faze primeira divizaun Liga Futeból Amadora (LFA) époka daruak ne´ebé sei hahú hikas iha fulan ida ne´e no ramata iha novembru tinan ne´e. (Jornalista: Xisto Freitas)

 

HUSIK IDA HATÁN