F-FDTL Tau Postu 31 Asegura Kampaña ElPar

0
60
Brigadeiru Jenerál FALINTIL-Forsa Defeza Timor-Leste (F-FDTL), Filomeno Paixão.

DILI (TATOLI)—Brigadeiru Jenerál FALINTIL-Forsa Defeza Timor-Leste (F-FDTL), Filomeno Paixão hateten postu F-FDTL hamutuk 31  maka destakadu ona iha teritóriu Timor laran atu asegura estabilidade nasionál iha ámbitu kampaña eleisaun parlamentár.

Brigadeiru Jenerál hato´o informasaun ne´e ba jornalista sira iha Palásiu Prezidénsia Repúblika, Bairu-Pité, Dili, kuarta ne´e, hafoin hala´o inkontru ho Prezidenti Repúblika, Dr. Francisco Guterres Lú-Olo hodi hato´o relatóriu atividade F-FDTL nian.

Nia haktuir laiha indisius ne´ebé hatudu katak iha ameasa boot ruma durante kampaña eleisaun parlamentár. Tuir informasaun ne´ebé nia simu katak fatin hotu-hotu iha teritóriu Timor laran laiha problema.

“Prezidenti Repúblika louva esforsu F-FDTL no PNTL tanba halo seguransa ba kampaña eleisaun ho susesu. Prezidenti mós husu atu parte F-FDTL kontinua apoiu PNTL para hametin estabilidade nasaun,” Jenerál ne´e informa.

Nia apela ba sidadaun Timor tomak atu ba tuir kampaña no vota ho edukasaun ka disiplina para evita problema.

(Jornalista: Xisto Freitas, Editór : Manuel Pinto)

HUSIK IDA HATÁN