Droga No Fase Osan, SIC-UPM Kaptura Ona Fujitivu POLRI

0
882
Pasaporte Georgios Nikolas

DILI (TATOLI)—Servisu Investigasaun Kriminál, Polísia Nasionál Timor-Leste ho Unidade Polísia Maritíma ohin, Kinta (22/06) tuku 10H00, iha Portu Dili, halo ona kapturasaun ba sidadaun Tesaloniki, Yunania (Greece) ho naran Georgios Nikolas ho nia maluk ida hosi India ne’ebé durante ne’e sai nu’udar fujitivu (buronan) ba Polísia Indonézia “POLRI” tanba komete kazu fase osan no droga.

Georgios Nikolas Cs tama iha Dili mai hosi Alor ho ró, bainhira Servisu Investigasaun Kriminál (SIC), ho Unidade Polísia Maritíma (UPM) kaptura, identifika sira la iha vistu.

“Ami simu informasaun hosi POLRI katak, sidadaun ida ne’e  halai hosi komarka Bali nian, ne’e mak sira haruka surat mai para PNTL apoiú hodi kaptura,” Julio Hornay informa iha konfrensia imprensa iha Kuartel Jerál, Kaikoli, Kinta (22/06) lokraik.

Tuir regras bainhira Polísia kaptura sei informa direita ba iha Prokurador Jerál da Repúblika (PJR) hodi hetan orientasaun atu investigasaun kriminal bele halo prosesu tuir prosedementu ne’ebé mak iha.

Enkuantu adidu POLRI iha Timor-Leste ohin mós halo ona vizita hodi haree direita Georgios Nikolas Cs no adidu ne’e konfirma katak, los duni suspeitu sira ne’e mak halai hosi Komarka Bali.

“Agora detein, nia prosesu investigasaun krimanál sei halo. Kona-bá entrega ou oinsa depende orientasaun hosi Procurador Jerál,” Hornay esplika tan.

Hodi hatutan evidensia hosi Georgios Nikolas Cs ne’ebé PNTL hetan provizoriamente seidauk bele informa ba públiku tanba sei submete ba investigasaun.

Iha parte seluk tuir notisia detik.com ne’ebé TATOLI asesu haktuir mós katak, iha tinan 2016, POLRI Sulawesi kaptura feto Tesaloniki, maibé hafoin detein de’it loron ida nia konsege halai lakon hosi POLRI nia liman no to’o agora Polísia Indonézia nian sei buka tuir.

Entertantu fontes http://lampung.bnn.go.id/ nasaun sira ne’ebé ohin loron nia ema sira partisipa makas iha aktividade droga nian mak hanesan, Columbia.

Colombia nu’udar nasaun ne’ebé esplla droga naran kokain iha mundu makas teb-tebes. Sira nia produtu kokain hosi Colombia nia kuaze 80 pursentu tama hosi nasaun oin-oin iha mundu.

Iha tinan 2011 polísia hosi Colombia sira konsege sita kokain hamutuk 1,5 toneladas iha buska ida ne’ebé polísia sira halo.

China, droga serkula iha sira nia nasaun hahú iha siklu da-19 iha momentu ne’eba droga tama hosi Europa tanba mafia China rasik mak hatama iha sira nia nasaun.

Tipu droga ne’ebé dumina iha China mak Shabu-Shabu ho Extasi, ohin loron redi China nian mak dumina iha Indonézia hodi faan droga Shabu-shabu ho Extasi.

Brazil nu’udar nasaun ida ne’ebé kurrir droga boot iha mundu mós, hanesan ema hotu hatene iha fulan Novembru tinan 2010 mosu akontesimentu boot ida iha Brazil redi droga atus ida resin tiru malu ho polísia Brazil ida bainhira polísia ne’e koko intrompe aktividade redi droga sira nian.

Brazil koalia kona-bá droga, ohin loron nia redi serkula hotu iha nasaun Europa inklui Amerika Súl.

Nasaun seluk tan ne’e serkulasaun droga makas mós mak Iran, Mexico, Indonézia, ho Italia. Iha Italia negósiu droga maioria dumina hosi ema mafia sira.

(cml-tatoli)

HUSIK IDA HATÁN