CNE husu ParPol Hatama Kalendariu Kampaña

0
41
FOTO : Zezito Silva

DILI (TATOLI)– Comissão Naçional das Eleições (CNE) husu ba partidu polítiku hotu atu aprezenta kalendariu molok kampaña eleitorál, iha loron, 20 jullu, Prezidenti Interinu CNE, Duarte Tilman afirma lia ne’e iha salaun CNE, Sesta (09/08) bainhira halo reniaun ho partidu polítiku  kona-bá servisu ne’ebé sei halo iha kampaña eleitorál to’o eleisaun parlamentár.

“Partidu polítiku sira tenke hatama ona orariu kampaña atu bele halo ajustamentu di’ak ba ParPol sira iha kampaña, nune’e orariu labele soke malu iha kampaña,” Duarte Tilman esplika.

No fó sai katak elisaun ne’ebé mak sei mai timoroan hotu tenke asegura eleisaun Jerál ho Livre , Justa, Transparente no Kredivél.

Iha oportunidade hanesan mós Duarte Tilman husu ba partidu polítiku sira atu labele hola tua hodi fó ba votante sira iha ámbitu kampaña ne’ebé sei monu iha 20 Juñu.

“Kuandu partidu polítiku sira hakarak kria estabilidade iha momentu festa demokrásia, lider polítiku kampaña labele hola tua ba militante atu hemu hodi dezestabiliza situasaun iha ambiente kampaña,” Duarte husu.

Basa, estabilidade ba ema hotu nia responsabilidade, maibé kuandu halo krime partidu polítiku sira tenki toma responsabilidade tanba kontra regra aktu eleitorál.

Enkuantu, krime eleitorál ne’e krime publiku, nune’e labele lori bandeira ParPol ida nian ba tuir fali partidu seluk, labele lori kareta estadu hodi ba halo atividade kampaña, labele lori labarik idade minoridade iha kampaña no seluk tan.

(Jornalista : Zezito Silva)

(Editór : Manuel Pinto)

HUSIK IDA HATÁN