Bispu Dili Husu Sarani Labele Monu ba Manobra

0
46
Bispo Dioseze Dili Virgilio do Carmo da Silva. Foto espesiál.

DILI, (TATOLI) – Bispu Diozese Dili, Don Virgilio do Carmo da Silva husu ba sarani Katólika atu labele monu ba manobra no influénsia husi  ema ne’ebé tama sai uma hodi muda fiar ba relijiaun seluk.

ʺOhin loron ita hasoru dezafiu barak husi liur no hasoru iha ita nia sosiadade laran tanba maun alin sira ne’ebé fiar la hanesan tama sai ita nia uma ho panfletu oi-oin atu kasa no dada ita nia fiar atu sobu ita nia uma kreda, tanba ne’e ita tenke defende la’os ho forsa maibé ho fiarʺ, dehan Bispu ba sarani sira iha Kapela São José Aimeti-laran Ai-mutin Komoro, Kuarta (31/1).

Tuir líder Igreja Diozese Dili ne’e, atu defende Igreja Katólika labele uza violénsia maibé uza razaun tuir fiar nu’udar ema Katólika.

ʺOhin loron ne’e la’os ona tempu violénsia, hodi fatuk, hodi ai hasoru sira maibé sira mai ko’alia didiak, katak ami iha fiar, ami sarani Katólikaʺ, tenik Bispu.

Jornalista: Agapito dos Santos

Editora: Rita Almeida

HUSIK IDA HATÁN