Ba Kampaña Rui Konsulta Lú-Olo

0
79
Primeiru Ministru Rui Maria de Araújo

DILI (TATOLI)-Primeiru Ministru Rui Maria de Araújo iha Segunda (19/06) halo konsulta ho Prezidente Repúblika Francisco Guterres Lú-olo kona-bá lisensa hodi partisipa kampaña Partidu Polítiku FRETILIN ba eleisaun Parlamentár.

ʺHa’u konsulta ona ho Prezidente Repúblika depois ha’u sei públika ba públiku,ʺ Rui Maria de Araújo informa hafoin konsulta ho Prezidente Repúblika iha Palasiu Prezidensiál Bairo-Pite Dili, Segunda (19/06).

Líder Governu hateten, durante lisensa tuir orden irarkia ministru koordenadór nain ida husi Ministru Nain ha’at maka sei subtitui ninia kargu durante ninia lisensa hodi partisipa Kampaña.

Hosi Ministru kordenadór Na’in ha’at ne’e, Ministru Estadu Kordenadór asunto ekonomia atual  ministru agrikultura no pescas Estanislau da Silva no ministru estadu asunto administrasaun estado no justisa nomos ministru Administrasaun Estatal Deonisio babo husu ona lisensa.

Enkuantu, Ministru Estadu Prezidensia Konselhu Ministru Agio Pereira no Ministru Estadu Kordeandor asunto sosiais no Ministru Edukasaun António da Conceiçáo seidauk hato’o karta lisensa.

Entretantu, Membru Governu ne’ebé oras ne’e hatama ona karta lisensa maka Ministru Turismu arte nu Kultura Kalbuady Lay, Vise Ministru Komersiu industria no Ambienti Nino Pereira, Vise Ministru Solidaridade sosial Miguel Marques manetelu, Sekretariu estadu Konselhu Ministru Avelino coelho no sira seluk tan.

Iha tempu hanesan, iha Segunda ne’e, PM Rui mós relata ba Prezidente repúblika ko-naba servisu governu liliu dekretu governu ne’ebé aprova ona iha tersa semana kotuk konaba estabelesementu konselhu veteranus no seluk tan.

(Jornalista:Agapito dos Santos, Editór : Manuel Pinto).

HUSIK IDA HATÁN