Austrália Treina F-FDTL Partisipa Operasaun ba Dame

0
71
Foto ONU

DILI, (TATOLI) – Embaixadór Austrália, Peter Doyle hateten programa kooperasaun Defeza Austrália (DCP) loke treinamentu hodi kapasita membru FALINTIL-Forsa Defeza Timor-Leste (F-FDTL) hodi partisipa iha operasaun manutensaun dame Nasoens Unidas iha futuru.

“Programa treinamentu importante ba FALINTIL-Forsa Defeza Timor-Leste (F-FDTL) atu prepara sira kona-ba partisipasaun iha operasaun páz ho Nasoen Unidas iha futuru”, hateten Embaixadór Austrália, Peter Doyle ba jornalista sira iha Timor-Plaza-Dili, ohin.

Nia dehan, hosi formasaun ne’e fasilita diálogu entre Ministériu sira iha Repúblika Demokrátika Timor-Leste (RDTL) kona-ba esensiál sira ne’ebé Nasoens Unidas estabelese ona ba páz hodi kontribui sira nia tropa.

Governu Austrália sente kontente tebes hodi suporta Timor-Leste liuhosi formasaun ho durasaun loron tolu, hahú ohin to’o sesta semana ne’e. Treinamentu ne’e hetan partisipasaun hosi membru F-FDTL hamutuk 27.

Enkuantu, formasaun ne’e akontese tanba iha diskusaun anuál defeza hala’o iha novembru 2016 entre Ministériu Defeza, F-FDTL ho militár no ofisiál governu Australianu sira propoin atu governu Austrália fó apoiu ba F-FDTL, hamosu kapasidade operasaun manutensaun pás ho objetivu atu dispoin F-FDTL ba misaun Nasoens Unidas.

Formasau ne’e atu reforsa liutan diskusaun bilaterál dala rua entre Xefe Estadu Maiór Jenerál Austrália no Timor-Leste iha novembru 2016 no fevereiru 2017.

Iha fatin hanesan Koronel Falur Rate Laek iha nia intervensaun hateten F-FDTL nia misaun mos atu kumpri kompromisu externa Estadu nian liuhosi partisipasaun operasaun ba apoiu pás no umanitáriu.

Jornalista: Zezito Silva

Editora: Rita Almeida

HUSIK IDA HATÁN