DILI,(TATOLI)-Ministru Estadu Kordenador ba asunto Administrasaun Estadu no Justisa no ministru Administrasaun Estatal, Deonisio Babo, fó ona orientasaun ba Prezidenti Autoridade Munisipiu Dili hodi estabelese postu seguransa iha Monumentu Saudoso Francisco Xavier do Amaral iha rotunda Merkadu Lama.
ʺHa’u fó hatene ona ba Prezidente autoridade munisipiu Dili atu oinsa hola medidas hodi estabelese postu seguransa iha fatin ne’eba,ʺ Deonisio Babo informa ba Jornalista sira Palasiu Governu, Tersa (13/06).
Objektivu tau seguransa ne’e atu asegura monumentu husi hahalok destroitivu tanba akontese labarik balun mak oras ne’e haris fali iha jardin laran.
Tanba ne’e Dionisio husu ba públiku atu vizita fatin istoriku hirak ne’e ho responsabilidade la’ós atu estraga.
(Jornalista: Agapito dos Santos, Editór : Manuel Pinto).
