AP-FAST Sei Apoiu ODS

0
57
Foto Google

DILI, (TATOLI) – Atu apoiu Objetivu Dezenvolvimentu Sustentavel, ohin iha ótel Timor, lansa implementasaun projetu atu fasilita Aselera Prosesu Siénsia no Teknolojia (AP-FAST-sigla iha inglés) iha rejiaun Ázia no Pasífiku.

Lansamentu ne’e sei halo mós semináriu rejionál kona-ba Aselera Siénsia no Teknolojia hodi promove implementasaun ODS iha Ázia no Pasífiku atu análiza inkorporasaun ODS nian ba planu dezenvolvimentu nasionál atu indentifika meiu no inkluzivu uza SETI hodi implementa ODS.

Projetu ne’e hetan fundu husi Malázia. Objetivu husi projetu mak atu pozisiona AP-FAST sai hanesan instrumentu boot ida atubele rezolve Siénsia, Enjenaria, Teknolojia no Inovasaun (SETI) iha rai-laran nomós dezafiu ne’ebé mak Governu Ázia no Pasífiku hasoru durante implementasaun Objetivu meta 17 no relasaun ho alvu seluk hanesan tau ona iha ajenda 2030 ba ODS nian.

“Harii iha espetativa dezenvolvimentu rejiaun nian, projetu ne’e sei lori hamutuk espesialista nivel aas atu diskute no dezenvolve instrumentu no polítika kona-ba siénsia nomós atu fahe konesimentu atubele orienta Governu iha rejiaun laran atu tau hamutuk no implementa ODS ba sira-nia planu dezenvolvimentu nasionál”, refere komunikadu.

United Nations Educational, Scientific and Culture Organization (UNESCO) Jakarta sai nu’udar siénsia rejionál ba Ázia no Pasífiku nomós grupu hanesan Brunei Darussalam, Indonézia, Malázia, Filipina no Timor-Leste atubele implementa projetu AP-FAST.

Lansamentu projetu ne’e husi Vise-Ministra Edukasaun, Dulce de Jesus Soares, no realiza mós semináriu iha Otél Timór husi loron 7 to’o 9 fulan ne’e hamutuk ho parseiru Institutu Nasionál Siénsia no Teknolojia iha Ministériu Edukasaun Timor-Leste.

Partisipa iha eventu ne’e mak reprezentante husi Bangladesh, Kambodia, Xina, Indonézia, Korea, Pakistaun, no Filipina.

Jornalista: Maria Auxiliadora

Editora: Rita Almeida

HUSIK IDA HATÁN