Ambiente Kampaña Sei Hakmatek

0
87
Prezidente-da-Repúblika Francisco Guterres Lú Olo iha Kinta–feira, loron-21 fulan-Juñu tinan-2017, hala’o enkontru ho Komandante FALINTIL Forsa Defesa Timor Leste (F-FDTL) Majór Jenerál Lere Anan Timur, Brigadeiru Jenerál Filomeno da Paixão de Jesus no Koronel Falur Rate Laek, iha Palásiu Nicolau Lobato, Bairro-Pite, Dili. FOTO MEDIA PR

DILI,(TATOLI)-Komandante FALINTIL-Forsa Defesa Timor-Leste (FDTL) Major Jeneral Lere Anan Timur garante seguransa ba povu timor Leste to’o formasaun sétimu governu konstitusionál.

Komandante F-FDTL hato’o asunto ne’e  ba Prezidenti Repúblika Francisco Guterres Lú-olo iha Palasiu Prezidensiál Bairo-Pite Kuarta Ohin,  relasiona ho rezultadu seguransa durante  loron primeiru Kampaña eleitóral husi Partidu Politiku 21 iha Tersa (20/06).

ʺAmi hatete ba Prezidenti Repúblika katak situasaun hakmatek tanba kampaña ne’ebé la’o horiseik la’o hakmatek no sei hakmatek to’o eleisaun jerál no formasaun Governu foun,ʺ Lere haktuir.

Hodi hatutan, F-FDTL fó apoiú masimu ba Polísia Nasionál Timor-Leste (PNTL) hodi garante situasaun seguransa ida hakmatek.

Iha enkontru ho Prezidente Repúblika ne’e, Komandante FALINTIL-FDTL Major Jeneral Lere Anan Timur akompaña husi Brigadeiro Jeneral Filomeno da Paixão de Jesus no Coronel Falur Rate Laek.

(Jornalista:Agapito dos Santos, Editór : Manuel Pinto).

 

 

HUSIK IDA HATÁN