iklan

NASIONÁL, LIQUIÇÁ, MUNISÍPIU

Alkatiri Husik Ponbu Iha Kampaña Nu’udar Sinal Paz

Alkatiri Husik Ponbu Iha Kampaña Nu’udar Sinal Paz

Sekretariu Jerál FRETILIN, Mari Alkatiri.

LIKISA (TATOLI)-Sekretáriu jerál partidu FRETILIN Mari Alkatiri husik Ponbu iha kampaña loron dahuluk ne’ebé realiza iha Likisa nu’udar sinál FRETILIN hakarak hametin paz no estabilidade hodi loke dalan ba dezenvolvimentu.

“Ha’u bele dehan autór prinsipál ba paz no estabilidade hodi loke dalan ba dezenvolvimentu maka ita (FRETILIN) duni,” Mari Alkatiri deklara bainhira halo abertura ba kampaña loron da huluk hodi husik manu ponbu nu’udar simbolu atu hametin paz no estabilidade durante kampana too eleisaun parlamentar iha Likisa, Tersa (20/06).

Tuir Alkatiri partidu FRETILIN maka sai autór hodi kontribui ba paz no estabilidade hodi dezenvolve timor leste ida buras liutan iha futuru.

Realidade mak durante tinan sanulu resin FRETILIN fó kontribuisaun makaas  hodi garante paz no estabilidade maske la ukun.

Basa tuir FRETILIN nia haree bainhira FRETILIN la kontribui ba paz maka paz sei la akontese hanesan ohin loron, tanba ne’e, Alkatiri husu ba militante no simpatijante FRETILIN iha Likisa no Timor atu dala tan ba ohin loron FRETILIN hatudu tan katak FRETILIN hakarak kria paz no estabilidade atu lori timor leste buras liutan.

(Jornalista: Agapito dos Santos, Editór : Manuel Pinto).

 

iklan
iklan

Leave a Reply

iklan
error: Content is protected !!