AIFAESA Halo Destruisaun ba Produtu Infrasaun

0
143
Bebida ne'ebé AIFAESA apreende iha loja. Foto AIFAESA.

TIBAR, (TATOLI) – Autoridade Inspesaun no Fiskalizasaun Atividade Ekonómika, Sanitária no Alimentár (AIFAESA) hala’o destruisaun dahuluk ba produtu infrasaun hamutuk 13.127 ne’ebé apreende (foti) husi fulan fevereiru to’o maiu 2017, iha lixu fatin, Tibar.

Koordenadór AIFAESA, Abílio Oliveira Serano hatete destruisaun ne’ebé halo tuir prosedimentu Inspesaun Alimentár Ekonómika (IAE) nia tempu no halo kontinuasaun maibé prosedimentu ne’e di’ak no tuir regra loloos.

AIFAESA halo ona prosesu ba empreza 194 http://www.tatoli.tl/2017/05/empreza-56-hetan-ona-desizaun-final-selu-koima/ no 56 notifika atu selu koima tanba infrasaun ne’ebé komete.

“Empreza 56 ne’e, kada kompañia hetan multa 1000 dólar, ida mak hetan dólar 5000 tanba nia produtu (infrasaun) maka’as tebes kuaze kaixa 400. Ami foti ona desizaun para hetan multa ne’e 56 estabelesimentu, kompañia lima mak selu ona”, Abílio katak iha Tibar, ohin.

Tuir previzaun AIFAESA nian katak iha fevereiru to’o maiu prosesu kuaze 200 resin no kontinua to’o dezembru sei hetan reseita husi infrasaun liu dólar 100.000 .

Produtu ne’ebé ohin bá halo destruisaun ne’e tula ho karreta neen nakonu ho sasán http://www.tatoli.tl/2017/05/aifaesa-apreende-produtu-13-127/   liuhusi inspesaun iha loja sira ne’eé halo husi inspetór AIFAESA nian bainhira autoridade harii iha tinan ne’e.

Jornalista: Maria Auxiliadora

Editora: Rita Almeida

HUSIK IDA HATÁN