DILI (TATOLI)—Órgaun Ezekutivu Liga Futeból Amadora (LFA) liuhusi konferénsia ba imprensa ne´ebé maka hala´o iha Estádiu Munisipál Dili, Sabadu (17/6/17), ofisialmente deklara katak jogu ba Primeira Divizaun Liga Futeból Amadora (LFA) ba segunda volta sei hahú hikas iha loron Sábadu (24/6).
“Jogu ne´e kontinua hala´o Estádiu Munisipál Baucau no Maliana,” Diretór Finansa LFA, Adolmando Amaral infoma kestaun ne´e ba jornalista sira, foin lalais ne’e
Molok hahú jogu, nia dehan, Adolmando dehan, LFA sei kompleta direitu ba klube sira nian hanesan osamentu ba prémiu kada jogu, osamentu dezlokasaun, billete nomós subsídiu ba klube sira ne´ebé maka to´o agora seidauk simu maske primeira volta ramata ona, atu nune´e bele fasilita di´ak liu-tan klube sira.
(Jornalista: Xisto Freitas, Editór : Manuel Pinto)