19 Juñu, CNE Sei Distribui Kalendáriu Kampaña 

0
37
CNE hasoru malu ho partidu polítiku ne’ebé konkore ba eleisaun parlamentár, foin lalais ne’e, objetivu asegura prosesu eleisaun la’o livre, justu, transparánte no kredivel. Foto CNE

DILI, (TATOLI) – Comissão Nacional das Eleições (CNE) sei distribui kalendariu kampaña iha 19 juñu ba partidu admitidu hotu atu labele kampaña ho orariu ne’ebé soke malu.
“Ami halo ona ajustamentu ba kalendáriu partidu hotu, nune’e iha 19 juñu bele halo ona distribuisaun ba partidu polítiku, Komisaun Anti Korupsaun, Provedoria Direitu Umanu, Polísia Nasionál Timor-Leste no orgaun komunikasaun sosiál”, informa Prezidente Interinu CNE, Duarte Tilman iha Tribunál Rekursu, foin lalais ne’e.

Nia hateten ajustamentu orariu, fatin, data ba kampaña no distribuisaun ho objetivu atu partidu polítiku sira labele soke malu iha kampaña ho tan orariu maibé tenke disiplina no la’o tuir regra ne’ebé mak estabele.

Enkuantu, dadaun ne’e, CNE sei verifika kalendáriu partidu polítiku ho orariu no fatin ne’ebé hanesan, entaun sei konvida no bolu sira atu bele halo ajustamentu no husu sira ne’ebé hatama uluk tenke respeita sira no sira ne’ebé hatama ikus tenke ajusta tuir orariu atu labele soke malu.

Kampaña ba eleisaun lejislativa sei realiza iha 20 juñu no loron ba vota iha 22 jullu hosi kandidatu enumerasaun partidu konkorente hamutuk 21.

Jornalista: Zezito Silva

Editora: Rita Almeida

HUSIK IDA HATÁN