UDC-PST-KHUNTO Ohin Hatama Ona Lista Kandidatura Ba TR

0
207
Prezidenti Tribunál Rekursu, Deolindo dos Santos iha entrevista ba jornalista sira iha Palásiu Prezidénsia Repúblika, Tersa ne´e. Imajen Ajénsia TATOLI/Xisto Freitas

DILI (TATOLI)—Partidu tolu hanesan Klibur Haburas Unidade Nasionál Timor Oan (KHUNTO), União Demokra Cristão (UDC) no Partidu Sosialista de Timor (PST) hatama ona lista kandidatura eleisaun parlamentár ba Tribunál Rekursu (TR).

Entretantu, partidu polítiku hamutuk 27 maka foti ona formuláriu lista kandidatura maibé to´o ohin loron seidauk hatama fali ba Tribunál Rekursu.

“Partidu sira ne´ebé rejistu ona hamutuk 31, maibé  partidu sira ne´ebé maka foti ona formuláriu ba lista kandidatura hamutuk 27 no tolu maka foti ona formuláriu lista kandidatura,” Prezidenti Tribunál Rekursu, Deolindo dos Santos ba jornalista sira iha Palásiu Prezidénsia Repúblika, Bairu-Pité, Dili, Tersa ne´e, hafoin ramata inkontru ho Prezidenti Repúblika, Dr. Francisco Guterres Lú-Olo.

Nia informa katak loron últimu simu lista kandidatura iha 1 Juñu tuku 6 lokraik. Liu tuku 6 lorokraik, Tribunál Rekursu sei la simu lista kandidatura.

Kona-ba inkontru ho prezidenti repúblika, nia haktuir, laiha ajenda espesiál ho Prezidenti Repúblika, maibé nia lori Tribunál Rekursu nia naran hato´o felisitasaun ba Dr. Lú-Olo ne´ebé iha 20 Maiu liu-ba simu tomada pose nu´udar prezidenti reúblika periodu 2017-2022.

(Jornalista: Xisto Freitas)

(Editór : Manuel Pinto)

 

HUSIK IDA HATÁN