Tribunál Rekursu Preparadu Simu Kandidatura ParPol

0
121
Prezidente Tribunál Rekursu, Deolindo dos Santos iha serimónia tomada pose foin lalais ne’e. Foto Tatoli/António Goncalves

DILI, (TATOLI) – Prezidente Tribunál Rekursu, Deolindo dos Santos hateten ninia parte hahú ohin hala’o ona preparasaun hodi simu lista kandidatura hosi Partidu Polítiku (ParPol) hafoin Prezidente Repúblika promulga lei eleisaun parlamentár iha sesta, (5/5).

ʺOhin ha’u haruka ona ha’u nia  sekretáriu judisiál ba foti ona lei ne’e hosi grafika nasionál para bele haree hodi prepara simu lista kandidatura partidu polítikuʺ, dehan nia ba jornalista sira iha Palásiu Prezidensiál Bairopite hafoin enkontru ho PR, Taur Matan Ruak, segunda, (8/5).

Nia parte mós konfirma ona ho Sekretariadu Tékniku Administrasaun Eleitorál (STAE) kona-ba kalendáriu eleisaun legislativu.

Tuir lei, nia hatete tribunál rekursu sei simu lista kandidatura hosi ParPol durante loron 30. Hodi promete sei halo tratamentu hanesan ba partidu 31 ne’ebé rejistu.

Entretantu, Prezidente Repúblika, Taur Matan Ruak dekreta ona loron 22 jullu ba eleisaun parlamentár 2017.

Jornalista: Agapito dos Santos

Editora: Rita Almeida

HUSIK IDA HATÁN