Traballadór Mak Makina Ba Dezenvolvimentu

0
46
Servisu nain sira komemora loron mundiál ba traballadór iha Palásiu Governu nia oin. Atividade ne'e marka prejensa hosi SEPFOPE, Ilídio XImenes, Diretór Jerál SEPFOPE, Prezidente KSTL no seluk tan. Foto TATOLI/Zezito Silva

DILI, (TATOLI) – Sekretáriu Estadu Polítika Formasaun no Empregu (SEPFOPE), Ilídio da Costa Ximenes hatete traballadór sai ajente, sujeitu no makina ba dezenvolvimentu.

Ámbitu komemora loron mundiál ba servisu nain sira iha Palásiu Governu, governante ne’e hatan ba preokupasaun traballadór sira: “Kuandu traballadór kanek, servisu mós sei la la’o, imi moras família mós moras no dezenvolvimentu sei marka pasu, nune’e governu  valoriza traballadór tomak”.

Nia hatutan, servisu nain kuandu terus, sempre buka dalan hodi atende, lei espesífiku kona-ba servisu doméstika sei iha diskusaun nia laran, signifika la’o neneik.

SEPFOPE husu ba traballadór sira kuandu servisu iha ne’ebé tenke iha kontratu eskrita, lei ba seguransa ne’ebé mak proteze traballadór sira iha ona Konsellu Ministru.

Realsa, unidade atu hetan imi nia hanoin, ita hamutuk hodi hadi’a, solidariedade ita atu buka dalan atu halo dezenvolvimentu no priénse ho buat ne’ebé di’ak. 

Jornalista: Zezito Silva

Editora: Rita Almeida

HUSIK IDA HATÁN