Traballadór Austrália-Korea Sul Hatama ona Osan U$25,693,096.48

0
98
Dadus SEPFOPE

DILI, (TATOLI) – Rezultadu Impact assessment ne’ebé Sekretáriu Estadu Polítika Formasaun Empregu (SEPFOPE) halo nu’udar avaliasaun hosi polítika implementasaun governu nian iha ámbito haruka traballadór ba iha estranjeiru hosi 2012 to’o 2016 hatama ona osan hamutuk U$25,693,096.48.

Sekretáriu Estadu SEPFOPE, Ilídio Ximenes da Costa.

Sekretáriu Estadu SEPFOPE Ilídio Ximenes da Costa hatete númeru osan ne’ebé mak traballadór timor-oan sira haruka mai Timor ajuda kria hikas servisu balun ba iha timor-oan balun iha rai Timor.

“Osan sira ne’ebé traballadór sira haruka ne’e balun selu eskola alin sira nian, barak mak halo uma, sosa kareta miktolet, truck, makina batako, dulas hare, loke kios inklui halo negósiu kiik seluk tan. Ida ne’e mak ami identifika iha peskiza  Impact assessment”, Ilídio Ximenes da Costa ba ajénsia Tatoli iha nai kna’ar fatin, sesta (5/5).

Iha tinan 2012 traballadór Korea Sul hatama osan hamutuk U$2,900,000.00. tinan 2013, U$3,000,000.00.

Tinan 2014 traballadór Korea Sul hatama osan hamutuk U$1,550,000,00, no traballadór Aústralia hatama U$874,452.00.

Tinan 2015 traballadór Korea Sul hatama osan hamutuk U$7,033,642,88 no Aústralia U$448,149.00.

Tinan 2016 traballadór Korea Sul hatama U$8,191,763,60 no Aústralia U$1,695,089.00.

Jornalista: Manuel Pinto

Editora: Rita Almeida

HUSIK IDA HATÁN