TLPDP Kontinua Apoiu PNTL iha Eleisaun Parlamentár

0
83
Foto hamutuk iha konferénsia investigasaun kriminál iha Beach Garden Praia dos Coqueros, kinta (25/5). Foto Tatoli/Antonio Goncalves

DILI, (TATOLI)  – Komandante TLPDP (Timor Leste Police Development Programme) Superintendente Paul Dickinson kongratula servisu Polísia Nasionál Timor-Leste (PNTL) iha eleisaun prezidensiál no posse ba prezidente foun, tanba ne’e kontinua ninia parte kontinua apoiu PNTL iha eleisaun parlamentár.
“Ho oportunidade ida ne’e atu kongratula ba jestaun ne’ebé di’ak PNTL iha ámbitu eleisaun prezidensiál no posse ba prezidente foun”, hatutan iha intervensaun konferénsia investigasaun kriminál iha Beach Garden Praia dos Coqueros, kinta (25/5).

Nia haktuir, Polisia Austrália liuhosi TLPDP hamutuk ona ho PNTL durante tinan 13 nia laran no agradese tanba bele servisu hamutuk harii PNTL hosi servisu ne’ebé ho kapasidade, servi povu.

Nia konsidera, PNTL nia preparasaun liuhosi envolvimentu planu operasionál klaru loos, bazeia ba avaliasaun ho ajénsia seguransa sira no abilidade atu implementa planu opererasionál sai prestíziu tebes ho kreditu ba área korpu ne’ebé mak interesante.

Nune’é, nia realsa TLPDP kontinua apóiu PNTL hodi lidera planu iha eleisaun parlamentár hodi fornese kapasidade operasaun ba sentru nasionál no suporta tuir nesesidade.

Relasiona ho konferensia ne’e, nia afirma PNTL hola ona reponsabilidade hodi komanda, kontrola, fó orientasaun, treinamentu, no atendimentu investigasaun, treinamentu ba ofisiál sira hotu hodi uza sistema jestaun exelente. Treinamentu ne’ebé fornese ona ba PNTL, apóiu husi tékniku hosi ajénsia polísia Austrália.

Hodi haforsa, kooperasaun no funsionamentu entre polísia no prokuradór sai esensiál hodi susesu ba operasaun sira.

“Konferénsia ida ne’e fó oportunidade hodi seevisu produtividade hodi bele liga ho ajénsia seluk no bele diskuti asuntu sira no importante liu atu buka solusaun ba dezafiu sira ne’ebé bele mosu ho prátika”, tenik tan.

Jornalista: Julia Chatarina

Editora: Rita Almeida

HUSIK IDA HATÁN