TL Sai Modelu ba EUA Iha Rekonsiliasaun-Demokrasia

0
184
Vice Sekretáriu Adjunto Estadu Unidos Amerika ba Sudeste Aziátiku, W. Patrick Murphy

DILI (TATOLI)—Prosesu Demokrasia no Rekonsiliasaun ne’ebé mak Timor-Leste opta iha konstruksaun estadu durante ne’e bele dehan katak, sai inspirasaun no modelu ba nasaun sira iha Sudeste Aziátiku no Estadus Unidos Amerika (EUA).

Vice Sekretáriu Adjunto Estadu Unidos Amerika ba Sudeste Aziátiku, W. Patrick Murphy observa Timor-leste nia prosesu rekonsiliasaun no prosesu demokratizasaun iha âmbito elisaun nu’udar ezemplu boot no modelu ba nasaun EUA ho Sudeste Aziátiku.

“Elisaun Prezidensial foin lalais ne’e iha Timor-leste la’o ho dame, taxa partisipasaun makas kompara ho rai seluk, elisaun mós realiza sein tulun maksimun hosi komunidade internasionál, espera elisaun parlamentar ne’ebé sei mai sei la’o di’ak liu tan,” W. Patrick Murphy informa ba jornalista sira iha edifisiu Embaixada EUA Timor-Leste, Pantai Kelapa, Dili, Kuarta (17/05).

Aleinde de rekonsiliasaun no demokrasia ne’ebé Timor-Leste iha, EUA mós haksolok ho prosesu konsiliasaun ba desputa fronteira maritima Timor-Leste hasoru Aústralia, maske iha prosesu nia laran EUA la iha papel espesial ruma relasiona ho kazu refere.

Ho mundasa signifikativu ne’ebé mak Timor-Leste atinji ona iha prosesu konsiliasaun kazu fronteira maritima hein katak iha futuru mai bele sai nu’udar modelu ida ne’ebé bele opta nudar meus global ne’ebé nasaun hotu halo tuir hodi resolve problema hanesan Timor-leste ho Aústralia hasoru dadaun iha kazu fronteira maritima.

W. Patrick Murphy nia prejensa iha Timor-Leste hetan onradu hodi reprejenta Prezidenti EUA Donald Trump hodi partisipa seremonia tomada pose Prezidenti da Repúblika eleito Francisco Guterres Lú-Olo iha loron, 20 Maio, Tasi-Tolu.

Objektivu seluk mak durante iha Timor, espesial Dili, sei halo mos enkotru ho xefi do estadu Taur Matan Ruak, Xefi governu, Rui Maria de Araújo inklui membru governu hodi haree posibilidade ruma atu EUA bele apoia iha futuru mai, nu’udar parte ida hosi kontinuasaun programa ne’ebé durante USAID halo ona iha Timor-Leste.

W. Patrick Murphy sei husik hela Timor iha semana oin hodi partisipa hikas simeira ASEAN iha Manila (Filipina).

(EKIPA KOBERTURA)

 

HUSIK IDA HATÁN