Timoroan mak Tenke Hakerek Istória

0
195
Pe. Martinho Gusmão

DILI, (TATOLI) – Dosente Filozofia Polítika Semináriu Maior Fatumeta, Padre Martinho Gusmão konkorda líder istóriku sira nia preokupasaun kona-ba hakerek istória Timor tanba ideia ne’e importante.

“Ha’u hanoin sé timoroan rasik maka hakerek nia istória ne’e bele kontribui ba decolonization of mind (deskolonizasaun iha hanoin). Ita dekoloniza ita nia mentál katak, la’ós ema liur de’it maka matenek atu hakerek kona-ba ita, maibé ita mós bele fiar án no hakerek rasik”, dehan Amu Martinho ba Ajénsia Notísia iha Dili, tersa ne’e.

Nia fó ezemplu liafuan “descobrimento”, Portugal maka deskobre Timor ka ema Timor ne’e iha nanis ona? Maibé, tuir nia, tanba malae maka dehan sira deskobre Timor no sira hakerek oi-oin hodi haruka timoroan estuda kona-ba án rasik.

Hatutan, ne’e la loos tanba liafuan “descobrimento” hatudu katak ita la hatene ita nia án, la hatene ita nia istória.

“Ha’u gosta tebes sé ita halo projetu hakerek livru istória ho linguazen timores. Ne’e importante tebes, ha’u apoia tomak”, informa.

Maibé, nia prefere loke ba mestre ka mestra sira iha nível hotu-hotu maka hakerek istória ne’e basá sira maka hatene oinsá eduka labarik sira kona-ba istória.

Jornalista: Xisto Freitas

Editora: Rita Almeida

HUSIK IDA HATÁN