TL Sei Partisipa Sympoziu Eransa Kulturál Iha Malaysia

0
61
Diretor do Arquivo Nacional de Timor-Leste, Carlito Martins, Foto espesial

Dili, (TATOLI) – Timor-Leste (TL)  hetan konvite hosi UNESCO Malaysia atu partisipa kona-ba UNESCO memoria toward program iha Kuala lumpur (Malaysia) durante loron lima, hahú iha 8 to’o 12 Maiu.

Diretór Arquivu Nasionál Timor-Leste, Carlito Martins, ba Ajénsia Tatoli iha Caicoli, hateten, kona-ba TL nia prezensa iha programa sympoziu kona-ba eransa kulturál ne’ebé iha valór boot atu tama iha eransa mundu nian.

“Sympoziu ne’e, sira sei halo aprezentasaun liuhosi simulasaun dokumentu importante ne’ebé tama ona iha memoria mundu UNESCO nian, atu ita haree no sai hanesan meiu estudu ida atu ita bele halo tuir, hanesan dokumentu sira iha formatu papél entaun bele transforma fali ba dijitál” dehan Diretór Arquivu Nasionál.

TL nia Prezensa iha sympoziu importante tanba ita iha limitasaun rekursu umanu, signifika katak menus koñesimentu, dokumentu antigu dala ruma ita hanoin la vale, aproveita oportunidade prezensa iha programa ne’e atu sai referensia ba ita TL.

Ita nia partisipasaun (TL) iha ne’ebé sei hetan mós oportunidade atu halo aprezentasaun kona-ba saida mak Timor-Leste nia dokunentu eransa, atu nasaun sira ne’ebé partisipa iha sympoziu ne’e bele hatene mós TL nia eransa rasik.

“Ita presiza halo konservasaun eransa hosi ita nia beiala sira husik hela mai ita iha Timor-Leste atu tama ba memoria mundu nian” hateten nia.

UNESCO iha progama memoria mundiál inklui nasaun Timor-Leste iha ona komite atu deskobre dokumentu eransa ne’ebé mai hosi sekulu hira liu ba, hanesan iha altura ne’eba saida mak mudansa radikál, enkuantu Jornalista Maxthal mós rejista ona Video Masakre Santa Kruz hodi sai hanesan memoria mundu nian hosi TL.

Entretantu, TL estabelese ona memoria mundu iha 2 dezembru 2016 liuhosi Sekretariu Estadu Arte no Kultura, dadaun ne’e funsionáriu sira tenke servisu makas atu rekolle dokumentu atu halo selesaun hanesan eransa Timor-Leste ho valór ne’ebé boot.

Jornalista: Zezito Silva

Editor: Gantry Meilana

HUSIK IDA HATÁN