Timor-Leste Sei Partisipa Forum Internasionál Investimentu

0
108
Foto google

DILI, (TATOLI) – Timor-Leste no membru CPLP (Comunidade dos Países de Língua Portuguesa) sei partisipa Forum Makau ne’ebé parseiru ho Xina no investimentu iha Forum Internasionál Investimentu no Konstrusaun Infrastrutura (IICF-International Forum on Investment and Infrastructure Construction) ne’ebé sei realiza iha loron 1 no 2 fulan-jullu.

Tuir komunikadu ne’ebé Ajensia TATOLI asesu, Makau Komérsiu no Institutu Promosaun Investimentu (IPIM-Macau Trade and Investment Promotion Institute) hateten partisipante husi Angola, Brazil, Cabo Verde, Guine Bissau, Mozambique, Portugal, Sao Tomé e Prínsipe no Timor-Leste sei halo diskusaun konaba kooperasaun ho lideransa no kompañia husi Xina iha área finanséiru, ekonómiku, no setór industriál atu buka parseria ne’ebé iha benifísiu siensia no finansia husi Xina ba projetu sira iha nasaun CPLP.

Prezidente IPIM, Jackson Chang anunsia ona reprezentativu IICF husi  nasaun 43 rejiaun ne’ebé dok hanesan “Belt and Road” husi nasaun CPLP, provinsia sia, no rejiaun husi parte “Pan Pearl River Delta”.

Durante IICF, sei iha seremónia ba instalasaun ofisiál iha Makau fundu kooperasaun dezenvolvimentu entre Xina no nasaun CPLP sira ne’ebé ho intensaun atu halo finansia kooperasaun projetu entre Xina no nasaun ne’ebé uza Makau hanesan plataforma servisu.

Prezidente IPIM mós realsa, enkontru ne’e sei aprezenta ekipamentus fábrika husi Xina ne’ebé bele halo avaliasaun ba poténsia negósiu ho nasaun no rejiaun sira, nomós entidade ne’ebé marka prezensa iha enkontru ne’e.

Hanesan parte husi inisiativa Xina “Belt and Road”, sesaun temátiku sei realiza durante loron rua atu diskute tópiku seluk hanesan konstrusaun infrastrutura no dezenvolvimentu industriál, inovasaun finansiál no kooperasaun investimentu industriál, sidade matenek (Smart City), no dezenvolvimentu sustentável infrastrutura.

IICF organiza husi orientasaun Ministériu Komérsiu Repúblika Xina, no Governu Makau rejiaun administrativu espesiál (MSAR-Macau Special Administrative Region) no pontu fokál husi governu Makau, hamutuk organiza asosiasaun internasionál kontraktór Xina no IPIM.

IPIM mós informa katak reuniaun sei partisipa husi Banku Mundiál (World Bank), Asian Development Bank (ADB), Asian Infrastructure Investment Bank (AIIB), African Export and Import Bank, African Development Bank, Islamic Development Bank, Development Bank of China, China Export and Import Bank, China Export & Credit Insurance Corporation, China-Africa Development Fund, the China-Latin America Cooperation Fund no China-Africa Industrial Cooperation Fund.

Jornalista: Julia Chatarina

Editora: Rita Almeida

HUSIK IDA HATÁN