Taur : Sai Hosi PR Ha’u Kontinua Servi Povu

0
211
Prezidenti Repúbliku Taur Matan Ruak

DILI (TATOLI)—Prezidenti Repúbliku Taur Matan Ruak halo komprimisiu ba nia an katak, maske sura oras nia sei sai husik kargu nu’udar Prezidenti Republika, maibé lasignifika impede nia vontade atu servi povu no estadu.

“Ha’u sei servisu ativamente maske la’ós Prezidenti da Repúbliku ona, hanesan sidadaun ha’u sei konsolida ho rigor servisu ba sidadaun no interese publiku ne’ebé di’ak ba ita nia nasaun,” Taur Matan Ruak, hato’o iha nia diskursu iha iha jantar ikus ne’ebé nia oferese ba membru governu sira inklu ulun boot orgaun soberañu iha Palasio Aitarak Laran, Sesta (19/05) kalan.

Jantar ne’ebé nia (Taur) oferese hanesan jestu despedida ida, maibé  ne’e la signifika too ona nia rohan atu la bele hahú buat seluk hodi hadi’ak Timor-Leste.

Taur mós agaradese ba orgaun soberanu no parseiru dezenvolvimentu sira ne’ebé fo apoiu ba ninia mandatu durante tinan lima.

(Jornalista :  Agapito dos Santos)

(Editór : Manuel Pinto)

HUSIK IDA HATÁN