Taur Rekoñese Tama PLP Hanesan Risku

0
904
Prezidente Partidu Libertasaun Popular-PLP, Taur Matan Ruak, iha kongresu loron datoluk Partidu Libertasaun Populár (PLP) iha Delta Nova, Foto FB Mata Sege

DILI, (TATOLI) – Komandante Gerilleiru, Taur Matan Ruak hatete orgullu tebes maske hatene katak iha risku tanba Partidu Libertasaun Populár (PLP0 hanesan partidu foun, seidauk iha esperiénsia barak maibé nia brani atu mai oin.

“Ita lahalo partidu seluk hanesan ita-nia adversáriu maibé haree hanesan komplementaridade para hariku no haburas ita-nia demokrasia”, katak Taur iha nia intervensaun ba kongresu nasionál PLP iha salaun Delta Nova, ohin.

Maibé PLP buka atu iha programa ne’ebé tenke di’ak liu partidu hotu-hotu nian. “Se ita konsege aprezenta ida ne’e ba ita-nia povu, sira sei fó fiar ba ita maibé se ita lakonsege iha problema boot ida”.

Eis Prezidente Repúblika ne’e hatete ba kongresista hamutuk 1363 hosi munisípiu 12 no REAOA katak iha pontu balun importante depois ajenda sira seluk hotu sei esplika ba sira kona ba pontudevista no hanoin atu lori Timór ba ne’ebé.

“Dalan ida ne’ebé mak di’ak no halo oinsá atu to’o, ha’u sei esplika uitoan ba ita-boot sira kona-ba PLP nia programa eleitorál no governasaun karik povu fó konfiansa ba ita”.

Jornalista: Maria Auxiliadora

Editora: Rita Almeida

HUSIK IDA HATÁN