Taur Husu PNTL Impoin Lei Iha Eleisaun Parlamentár

0
67
Segundu Komandante Jerál PNTL, Komisàriu Faustino da Costa, ka'er liman ho Prezidente Repúblika, Taur Matan Ruak bainhira akompaña hosi komandante jeràl, Komisàriu Jùlio Hornay hodi halo enkontru. Foto mìdia PNTL

DILI, (TATOLI)—Prezidente Repúblika, Taur Matan Ruak husu ba Polísia Nasionál Timor-Leste (PNTL) atu impoin lei eleisaun nian iha eventu eleisaun parlamentár ne’ebé mak sei akontese iha tempu besik.

Segundu Komandante Jerál PNTL, Komisàriu Faustino da Costa realsa, mensajen ne’e PR hato’o iha enkontru dala ikus komandante jerál ho segundu komandante jerál iha loron 11 maiu iha Palásiu Prezidensiál.

“Trasmite de’it mensajenPR ba komandante sira, ita boot sira presiza hatutan ba membru sira. PR Taur husu ita (PNTL) impoin lei eleisaun iha eleisaun parlamentar”, Komisáriu Faustino da Costa hatutan PR Taur nia mensajen iha seremonia lansamentu livru Normas Organizasaun Prosedemento (NOP) iha Kuartel Jerál PNTL Kaikoli Dili, sesta (12/5)

PR Taur Matan Ruak, apresia, agradese no kongratula membru PNTL tomak durante nia mandatu tinan lima, tanba rezultadu hosi nia vízita iha suku durante tinan rua ikus ladun rona ona preokupasaun kona-ba prezensa polísia nian iha kada suku.

PR husu atu PNTL kontinua mantein polítika Ofisial Polísia Suku (OPS) no kontinua dezenvolve sai hanesan programa prioridade iha PNTL.

Husu mós ba OPS ba to’o polísia nasionál iha periodu eleisaun parlamentár (Pra Eleisaun, Eleisaun no Post Eleisaun) mantein saida mak lei no impoin lei eleisaun nian atu garante atuasaun PNTL la bele ‘fora area kobertura’

Entertantu Prezidente eleitu, Francisco Guterres Lú-Olo mós haruka karta ba komandu PNTL (Komandante jerál ho Segundu Komandante) demonstra nia apresiasaun ba PNTL nia servisu eleisaun Prezidensial ne’ebé mak liu ona.

“PR eleitu dehan nia sei halo saida mak nia promete durante komisiu kampaña ba servisu PNTL. Nia (Lú-Olo) dehan nune’e, sei iha kompromisiu boot dezenvolve instituisaun PNTL durante nia mandatu”, Komisáriu Faustino fó hanoin tan.

Jornalista: Manuel Pinto

Editora : Rita Almeida

HUSIK IDA HATÁN