Evita Virus WannaCry, Taka Internet Antes Halakan Komputadór

0
301
Abrão Ximenes (Espesialista Seguransa Informasaun no Digitál Forensik)

DILI (TATOLI)—Espesialista Seguransa Informasaun no Digitál Forensik, Abrão Ximenes fó hanoin katak, evita virus WannaCry  ataka komputadór antes halakan komputadór taka LAN/Wifi (Internet).

“Atu evita virus ne’e labele ataka komputadór, bele taka LAN/Wifi antes atu halakan komputadór, backup dadus importante sira, Blok port 139, 445 ho 3389 liu-liu share file ne’ebé uza SMB (Server Message Block) no Patch tia MS17-010 nia vulnerability,” Abrão Ximenes dehan ba ajensia Tatoli liuhosi email, Segunda (22/5).

Bainhira virus ne’e ataka komputadór vítima, ema seluk sei kona kuandu ninian komputadór rede ida ho komputadór ne’ebé hetan ataka.

Nune’e nia dehan, kuandu virus ne’e ataka komputadór, file ne’ebé iha ita nia komputadór nia tipu file (estensaun file) aumenta tan .wnry iha kotuk. Ezemplu ita nia file materia.doc kuandu kona virus ne’e sai materia.doc.wmry. Ita mós labele loke file ne’e.

Virus ne’e mós kona ba sistema operasaun Windows no sistema operasaun Linuxl ne’ebé uza wine.

 Saida mak Wanna Cry Ransomware?

Iha fulan Máiu nia laran, mundu teknolojia hetan atake husi virus WannaCry Ransomware no lista ona nasaun 150 mak hetan ataka husi virus ne’e husi instituisaun hanesan banku, ospitál, telekomunikasaun no transporte hetan ona ataka husi virus ne’e.

Virus WannaCry hanesan programa Ransomware spesífiku ne’ebé xave dadus hotu iha sistema komputadór no husik vítima ne’ebé hetan ataka ho arkivu (file) rua hanesan instrusaun konaba saida mak tenke halo no virus WannaCry.

Virus ne’e, infekta komputadór ho halo enkripsaun ba arkivu ne’ebé iha komputadór nia laran no uza frakeza servisu SMB (Server Message Block) bele halo ezekusaun komandu hafoin espalha ba komputadór ho sistema operasaun Windows ne’ebé ho rede hanesan.

Komputadór hotu  ne’ebé iha koneksaun internet sei iha risku, sa tan iha rede hanesan ne’ebé potensiál  infekta ho Virus WannaCry.

Bainhira komputadór hetan ona atake, normalmente Hacker sira husu osan ba vítima ho montante US$ 300 – US$ 1,200.

(Jornalista: Julia Chatarina)

(Editór : Manuel Pinto)

HUSIK IDA HATÁN