STAE Treinu Koordenador Munisipiu Sira

0
122
Diretór Jerál STAE, Acilino Manuel Branco

DILI (TATOLI)– Sekretariadu Tékniku Administrasaun Eleitórál (STAE), ohin, Kinta (25) fó treinamentu ba nia koordenador sira hosi Munisipiu sira hotu hodi hatene didi’ak prosesu eleisaun parlamentar ne’ebé sei akontese iha fulan jullu, loron 22, tinan ida ne’e.

Diretór Jerál STAE, Acilino Manuel Branco hateten treinamentu ne’e refere liu ba iha edukasaun votante.

“Orgaun eleitórál fo treinamentu ba koordenadór munisipál sira kona-ba edukasaun votante hafoin sira sei ba fahe fali informasaun ba brigadista hamutuk 850 iha ida-idak nia munisípiu,” Diretor Jerál STAE, Acilino Manuel Branco, informa ba TATOLI, foin lalais ne’e.

Edukasaun votante importante ba votante sira tanba ema hotu presiza hatene kona-ba prosesu eleisaun, nune’e votante sira bele hetan partisipasaun másimu ho lolos.

Tuir planu orgaun eleitórál sei halo edukasaun votante iha ínisiu Juñu iha Timor laran tomak, enkuantu ekipa sira sei lori drama iha tipu filmazen hodi aprezenta, sei lori postér no materiál informasaun oinoin atu povu bele asesu di’ak hodi hatene lolos prosesu tomak ba eleisaun parlamentár.

Enkuantu, orgaun eleitórál fo formasaun ba koordenadór munisipál durante loron rua, hahú hosi 25-26 Maiu iha Salaun Ótel Ramelau Comoro no hetan apoiu hosi United Nation Development Programa (UNDP).

(Jornalista : Zezito Silva)

(Editór : Manuel Pinto)

 

 

HUSIK IDA HATÁN