SEM iha Programa Haat atu Atinje ODS

0
76
Sekretáriu Estadu ba Apoiu no Promosaun Sósiu-Ekonómika ba Feto (SEM), Veneranda Lemos Martins bainhira partisipa iha talk show Ita-Nia Governu. Foto/António Gonçalves. Foto/António Gonçalves.

DILI, (TATOLI) – Sekretáriu Estadu ba Apoiu no Promosaun Sósiu-Ekonómika ba Feto (SEM), iha programa haat atu atinje Objetivu Dezsenvolvimentu Sustentavel (ODS) mak abordajen intergradu jéneru, prevensaun violénsia bazeia ba jéneru, hakbiit ekonomia feto no hakbiit feto iha vida polítika.

Iha ODS númeru lima ne’ebé Timor-Leste adota kona-ba iguldade jéneru hatete alkansa igualdade no hakbiit feto no labarik feto sira.

Sekretária Estadu Veneranda Lemos Martins informa atu hakbiit ekonomia feto, SEM liuhusi fundu transferénsia fó apoiu ba grupu feto sira liuliu feto kbiit-la’ek sira atu iha kbiit hasa’e sira-nia rendimentu família nian no halo mós kapasitasaun no akompañamentu atu grupu ne’ebé asesu ba fundu transferénsia .

“Hakbiit feto iha polítika liuhusi fundu transferénsia fó mós apoiu ba Caucus no Pátria atubele fó formasaun no prepara feto maluk sira atu iha kapasidade hodi bele partisipa iha vida polítika di’ak liután”, Veneranda dehan iha Otél Novu Turizmu foin lalais ne’e.

SEM hamutuk ho Sekretariadu Tékniku Administrasaun Eleitorál (STAE) halaó mós edukasaun sívika ba votante sira oinsá prespetiva jéneru nian iha eleisaun jerál no enkoraja feto atu kandidata-an hanesan xefe suku, xefe aldeia atu tuur mós iha konsellu suku sira.

“Liu mós husi asosiasaun feto potensiál ne’ebé estabelese iha territóriu tomak atubele integra iha polítika no programa hotu prespetiva jéneru nian”.

Jornalista: Maria Auxiliadora

Editora: Rita Almeida

HUSIK IDA HATÁN