Saudozu Mário Carrascalão Nu’udar Lalenok ba Ema Hotu

0
214
Universidade Nasionál Timor Lorosa’e (UNTL) presta omenajen ba Mário Viegas Carrascalão iha kampus Kaikoli, ohin. Foto Tatoli/Rafi Belo

DILI, (TATOLI) – Reitór Universidade Nasionál Timor Lorosa’e (UNTL), Francisco Miguel Martins, alumni ida husi Untim (Universitas Timor-Timur) hateten katak favór saudozu Mário Viegas Carrascalão ba universidade sura la hotu, boot tebes no sura labele.

Matebian nu’udar lalenok ida hodi leno Timor ba mundu kona-ba Timor nia terus no susar liuhusi haruka jornalista sira iha loeon 1 fulan-outubru 1996.

Nune’e mos, hahú haree ezisténsia ensinu superior iha Timor-Leste liuhusi loke UNTIM no Politekniku Hera. “Knua ba polítika ukun rasik-án”, haktuir Martins bainhira universidade ne’ebé nia derije presta omenajen ikus ba matebian, ohin iha kampus Kaikoli.

Hodi hatutan, matebian ka’er metin lialoos no justisa no hamosu lema: sapienta et veritas katak siénsia no lialoos. Seluk mak kaer metin sistema orsamentu ho transparénsia no kontabilidade justu.

Nune’e mós brani tebes iha lafaek “militar”  Indonézia nia ibun nomos brani tebes iha asu siak  liman kroat Indonézia nia ibun hodi defende timoroan sira ne’ebé mate iha masakre 12 novembru inklui estudante sira.

Matebian mós haruka estudante timoroan barak husi lorosae too loromonu, tasi feto no tasi mane ba eskola  iha rai liur. “Ita harii espíritu unidade nasionál”, rekoñese.

Eis governadór sempre loke odamatan ba povu kbiit laek no mukit sira iha nia governasaun, okupasaun Indonézia maske iha presaun.

Konklui, Francisco Miguel Martins hato’o sentidu kondelénsia: “Foi com profundo pesar que recebemos a notícia do falecimento do eng. Mário Viegas Carrascalão, pai fundador da untim e da untl. O reitor e da civita acadêmica da untl prestam mais sincero s condolências a sua família por esta estimável perda. Adeus, que descanse eternamente em paz“.

Depois hosi kampus Kaikoli, omenajen ikus hosi uma fukun Parlamentu Nasionál.

Jornalista: Rafy Belo

Editora: Rita Almeida

HUSIK IDA HATÁN