Sarani Timoroan 40 Resin Partisipa Tinan 100 Nossa Senhora Fátima

0
108
Partisipantes ne'ebe sei partisipa iha selebrasaun tinan 100 Nossa Senhora mosu iha Fátima Portugal. Foto: Thomas Ora

DILI, (TATOLI) – Tinan ida ne’e hanesan selebrasaun tinan 100 Nossa Senhora mosu iha Fátima Portugal, sarani timoroan 40 resin aranka ona hodi hamutuk ho sarani sira seluk husi mundu, selebra loron ne’e.

Tuir komunikadu ne’ebé Tatoli asesu, Papa Francisco sei selebra misa iha Kapela liur Fátima iha loron 13 maiu.

Selebrasaun tinan 100 Nain Feto mosu ba Lúcia dos Santos ne’ebé sei idade 10 ho nia primu Francisco Marto no Jacinta Marto iha 13 maiu 1917.

Bispu Virgilio do Carmo da Silva hateten ba partisipante sira antes atu aranka ba Portugal hanesan devosaun ida ba Virjen Maria, inklui hatudu-án Fátima nian ne’ebé hanesan fundamentál ba vida sarani Katóliku iha Timor-Leste antes, durante no hafoin independénsia.

“Tanba ne’e, imi nia partisipasaun iha selebrasaun tinan 100 Nossa Senhora mosu hatudu relasaun di’ak entre Timor-Leste no Portugal”, tenik Bispu Virgilio.

Hodi dehan tan, Portugal ukun Timor-Leste to’o tinan 1975, devosaun Virjen Maria iha Nasaun ida hanesan legadu ida husi misionáriu portugues sira, no ita labele haluha.

Nune’e mós Tomas Goncalves (73), hanesan eis professor no soldadu durante tempu portugués, dehan hamutuk peregrinasaun ne’e “atu agradese ba Mai Maromak tamba nia proteje hau nia família durante tempu susar no hetan independensia, ha’u mós atu agredese ba Santísima Virjem ba hau nia tinan 47 kazamentu”.

Jornalista: Julia Chatarina

Editora: Rita Almeida

HUSIK IDA HATÁN