Reseita Mina-Rai Janeiru-Marsu millaun U$104,37

0
552
Bayu Undan. Foto espesiál.

DILI, (TATOLI) – Reseita Fundu Mina-Rai Timor-Leste nian ne’ebé tama iha trimestre dahuluk 2017 husi 1 Janeiru to’o 31 Marsu hamutuk millaun U$104,37, informa Diretór Ezekutivu Jestaun Fundu Petróleu, Banku Sentrál Timor-Leste (BSTL), Venâncio Alves Maria, ohin.

Iha relatóriu trimestre ba dala-47 hatete kapitál Fundu Petrolíferu ne’ebé daudaun iha hamutuk billaun U$16,26 kompara ho trimestre anteriór billaun U$15,84.

Totál ne’ebé simu iha trimestre ne’e kompostu husi kontribuisaun kontribuente ba fundu hamutuk millaun U$53,77 no pagamentu royalty ne’ebé simu husi Autoridade Nasionál Petróleo no Minerál (ANPM) millaun U$50,51.

“Osan ne’ebé sai durante ne’e millaun  U$182,90 kompostu husi millaun U$180 transfere ba Orsamentu Estadu no millaun U$2,90 ba kustu jestaun”, dehan Venâncio iha Avenida Bispo de Madeiros, Dili.

Haree ba osan ne’ebé mak tama no sai nia balansu iha termu reseita negativu millaun -$75,63.

Retornu hetan husi investimentu Fundu iha trimestre nian hamutuk millaun U$497.20 kompostu husi kupaun no jurus ne’ebé simu mak millaun U$83,11 no mudansa iha valór merkadu millaun U$341,86 no movimentu kambiais mak millaun U$77,10.

Retornu fundu nian iha termu persentajen iha portofóliu trimestre ne’e porsentu 3,14 no kompara ho sasukat porsentu 3,03.

Jornalista: Maria Auxiliadora

Editora: Rita Almeida

HUSIK IDA HATÁN