Regulamentu Disiplinár PNTL Luan Liu Kompara F-FDTL

0
206
Komisáriu Faustino da Costa. Foto mídia PNTL

DILI, (TATOLI) – Segundu Komandante Jerál Polísia Nasionál Timor-Leste (PNTL), Komisáriu Faustino da Costa rekuñese regulamentu disiplinar ne’ebé PNTL opta luan liu tanba ne’e bainhira atu aplika sansaun disiplina nia prosesu naruk tebes, enkuantu F-FDTL la’e.

“Kazu indisiplinár akontese beibeik iha PNTL ne’e loos. Problema mak regulamentu disiplinar”, informa ba jornalista sira iha Kuartel Jerál PNTL Kaikoli, kinta (4/5).

Tuir regulamentu, komandu jerál laiha direitu atu dimite ema ida bainhira halo sala, maske sala ne’e komandu haree ho momos katak sala.

Sala nain sira iha PNTL nian iha direitu tomak hodi halo defesa ba nia-án no rekursu bainhira komandu aplika regulamentu disiplinár ba sira.

Iróniku liu tan, tuir Komisariu katak, sala nain hosi PNTL bele mós halo rekursu hasoru desizaun tribunál distritu nia desizaun ba keiza ne’ebé mak aprejenta hosi komandu.

Haree ba direitu sala nain nia ne’ebé konsagra ona iha regulamentu disiplinar, Faustino rekoñese katak kazu indisiplinar hosi loron ba loron akontese bei-beik iha instituisaun PNTL, no komandu so halo tuir saida mak regulamentu hatete nanis ona.

Se kompara hikas ba instituisaun Defesa FALINTIL-Forsa Defesa Timor-Leste (F-FDTL) nian rigorozu teb-tebes.

F-FDTL sira uza aplika Regulamentu militár katak, komandu iha poder tomak atu hasai membru ida enkuantu identifika katak nia sala nain duni.

Regulamentu militár nian la fó dalan atu halo rekursu no defesa hosi sala nain sira.

“Ami nia regulamentu, komandu jerál laiha kompeténsia dimite ema ida, komandu jerál so propoin ba governu, ne’e sai problema”, Faustino rekoñese.

Jornalista: Manuel Pinto

Editora: Rita Almeida

HUSIK IDA HATÁN