Proposta Lei Seguransa, Saúde no Ijiene Hetan Aprovasaun

0
67
Enkontru Konsellu-Ministru sira. Foto/GPM

DILI, (TATOLI)– Proposta lei seguransa, saúde, no ijiene iha serbisu ne’ebé aprezenta husi Ministru Koordenadór Asuntu Ekonómiku (MEKAE), Estanislau Aleixo da Silva, no Sekretáriu Estadu ba Polítika Formasaun Profisonál no Empregu (SEPFOPE), Ilidio Ximenes da Costa hetan ona aprovasaun iha enkontru Konsellu-Ministru, ohin.

Tuir Ministru Estanislau ba jornalista sira iha Palásiu Governu katak, proposta ne’e preokupasaun husi SEPFOPE nian para haree ba kondisaun serbisu traballadór sira-nian atu empregadór sira tenke fó garantia mínima ba seguransa traballadór nian.

“Tanba ne’e mak nia hatama lei ne’e para halo alterasaun ki’ikoan maibé presiza aprova, tanba ita haree komesa iha investimentu iha ita-nia rai, entaun tenke iha kondisaun bainhira ema hatama ita-nia ema sira ba serbisu tenke fó mós atensaun mínima liu kona-ba kondisaun saúde no ijiene”, Estanislau relata.

Nune’e mós iha substánsia balun ne’ebé perigozu ba saúde sira tenke iha protesaun hanesan sira ne’ebé serbisu ba prodútu kímiku ruma tenta tau máskara atu labele husik taraballadór sira serbisu ho produtu kímiku ruma bainhira latau máskara no dada-iis produtu sira bele tama iha isin no afeta ba pulmaun.
Jornalista : Maria Auxiliadora
Editora: Rita Almeida

HUSIK IDA HATÁN