Prezidente Repúblika Dekreta Ona Loron Eleisaun Lejizlativa

1
1083
Prezidenti Repúblika, Taur Matan Ruak.

DILI, (TATOLI) – Prezidente Repúblika, Taur Matan Ruak, tersa horsehik marka ona eleisaun lejizlativa ba 22 jullu 2017.

“Prezidenti Repúblika deside marka loron eleisaun lejizlativa, tanba konsidera katak nia iha obrigasaun atu asegura lala’ok regulár instituisaun demokrátika sira-nian to’o nia mandatu nia rohan nomós labele atraza tan markasaun ba eleisaun tanba bele afeta ba kalendáriu eleitorál”, haktuir komunikadu hosi Gabinete Prezidenti Repúblika ne’ebé Ajénsia TATOLI simu kuarta dader ne’e.

Xefe Estadu liuhusi komunikadu hateten hein katak atividade hotu-hotu ne’ebé mak envolve iha prosesu eleisaun ba Parlamentu Nasionál, inklui resenseamentu, hatama kandidatura, halo kampaña, vota, fó sai rezultadu eleitorál no konstitui Parlamentu Nasionál no Governu foun, sei la’o ho livre, justu no hakmatek, nune’e prosesu eleisaun hirak-ne’e bele sai festa demokrasia ida tan.

Markasaun loron eleisaun lejizlativa tarde tanba Tribunál Rekursu hala’o kompeténsia legál sira ba Lei Eleitorál ba Parlamentu Nasionál pakote ho markasaun loron eleisaun lejizlativa.

Jornalista: Xisto Freitas

Editora: Rita Almeida

1 COMMENT

  1. Povu Timor Leste lakon tan AMAN ida…Aman nebe nakonu ho vizaun atu lori povu no rai lulik Timor Leste hosi okupasaun forsa potente sira….Ami hotu nia agradese wain…no orasaun domin nia mak sei akompanha itaboot….lao ho diak Nai Maromak sei prepara fatin dk ba itaboot iha lalean..

    AMEN

HUSIK IDA HATÁN